शेलीब्रीटी व सामान्य लोक्स

नक्षत्र हा ज्योतिष्यातील फार महत्वाचा भाग आहे. बरेचदा ज्योतिष्य पाहताना बहुतेक सर्व ज्योतिषी डायरेक्ट जन्मकुंडलीवर उडी मारतात. साडेसाती, ग्रहदशा उच्च नीच, वक्री, मार्गी अमुक-तमुक बघून फलादेश करतात. कितीही भारी भारी सांगितले तरी सामान्य माणूस हा अचानक असामान्य किवा सेलेब्रिटी होत नाही. त्यामुळे साधी जन्मकुंडली पाहून सर्व ठीक आहे इथपर्यंत भविष्य सांगणे ठीक आहे पण त्यापुढील उत्कर्ष कसा होतो हे सांगणे अवघड आहे. कोण व कधी "खास माणूस" कसा बनतो हे जाणून घेणे मनोरंजक आहे. त्यासाठी हा लेख लिहिला आहे. 

जसे ग्रह उच्च, नीच, स्वगृह असतात तसेच ते काही ठराविक नक्षत्रात असतात. त्या नक्षत्रांचा प्रभाव ग्रहांवर होत असतो. तो कसा होतो हे दाखविण्यासाठी काही केस स्टडीज खाली दिलेले आहेत. 

विशेष म्हणजे जे ग्रह उच्च किवा स्वगृह असतात व नवमांश कुंडलीतही उच्च किवा स्वगृही असतात ते ग्रह विशेष फलदायी असतात असे दिसते.

विविध क्षेत्रातील खास व्यक्ती यासाठी निवडल्या आहेत. तर बघा कशी गम्मत असते ते.

सुरुवात आपण आपले लाडके केजरीवाल यांच्यापासून करू, 

 

केजरीवाल साहेबांची जन्मकुंडली पहा, स्वगृह रवी म्हणजे चांगली सरकारी नोकरी, लग्नी उच्च चंद्र म्हणजे बोलण्यात हुशार, आदर्शवादी व कल्पक माणूस. याशिवाय जे ग्रह आहेत ते नीचीचे म्हणजे विपरीत फळेच देणारे असे आहेत. 

पण नवमांश कुंडलीत बुध व रवी हे उच्च ग्रह आहेत. मंगळ स्वगृह दशमात आहे. 

  बुध अंतर्दशेत २०११ ला राजकारणात प्रवेश, मग रवी अंतर्दशेत २०१५ ला मुख्यमंत्री असा त्यांचा प्रवास आहे.

मुकेश साहेबांच्या जन्मकुंडलीत सप्तमस्थानात उच्च सूर्य ह्याशिवाय दुसरे काही नाही. या सूर्याचे फलित हेच कि व्यावसायिक सुरुवात ही मोठ्या चर्चेने झाली. त्याव्यतिरिक्त शनी गुरु राहू केतू सारखे कर्ते ग्रह निव्वळ निष्प्रभ आहेत.हाड-हूड करून कोणी ज्योतिषी ह्यांना हाकलून देईल इतके.

मग असे काय पत्रिकेत आहे कि साहेब जगातील सर्वात श्रीमंत व्यक्तींपैकी आहेत? त्यासाठी त्यांची नक्षत्राधारित नवमांश कुंडली पाहणे गरजेचे आहे. 

राहू-केतू हे त्यांच्या उच्चीच्या नक्षत्रात पडले आहेत. त्यात केतू शत्रूस्थानी व राहू व्ययात. खर्चावर नियंत्रण हा काटकसरीचा गुण त्यांच्यात आहे. षष्ठ स्थानात स्वगृह गुरु आहे तसेच शनी सप्तमात स्वगृह हे इतके ग्रह असामान्य व्यक्ती बनण्यास पुरेसे आहेत. 

कयामत से कयामत हा चित्रपट काय आला आणि अमीर खान सगळ्यांच्या गळ्यातला ताईत बनला. तसे पहिले तर अमीर खान म्हणजे अशी काही बच्चन सारखे व्यक्तिमत्व नाही. सामान्य उंची फारतर गोरा नाजूक चेहरा इतकेच.

जन्मकुंडलीत शनी अस्तात आहे. राहू-केतू उच्च आहेत म्हणून आई-वडील यांच्या कृपेने लहानपणीच चित्रपटात काम मिळाले. तशी बाकी खासियत अशी काही नाही. 

पण आता नवमांश कुंडली बघूया, शनी स्वगृही होता आणि नवमांशातसुद्धा स्वगृही आहे. हे विलक्षण महत्वाचे आहे. गुरु दशमात म्हणजे कर्मस्थानात स्वगृह झालाय. त्यामुळे सामाजिक विषयात आदर्श निर्माण करणे, सामाजिक संदेश देणे असे मोठे कर्म स्वतःला चिकटवून घेणे हा एक पैलू अमीर खानला जोडला गेला. त्यात भाग्यस्थानात स्वराशीचा मंगळ भाग्योदय करणारा ठरला. ह्या मंगळाने त्याला पुरुषी देखणेपणा दिला. ५२ वर्षात माणूस जख्खड म्हातारा दिसतो पण अमीर अजूनही तरुण भूमिकेत चित्रपट हिट करतो. हे विशेष. 

अल्बर्ट आईनस्टाईन हे अजब-गजब बुद्धिमत्तेचे व्यक्तिमत्व!!  जन्मपत्रिकेत शनी अस्तात आहे. चंद्र नीच राशीला. मंगळ अष्टम स्थानात म्हणजे कधी कोणात न मिसळणारा व अशक्त प्रकृती असलेला हा माणूस. बुध हा महत्वाचा ग्रह साहेबांच्या नीच राशीला म्हणजे बुद्धिवादी असणे निव्वळ अशक्य. 

आता साहेबांची नवमांश कुंडली पहा. उच्च शनीने भाग्यस्थान उजळले. बुध उच्च ग्रहाच्या बरोबर आल्याने सगळे आयाम बदलले. दशमात गुरु, लग्नी शुक्र. पण खरा भाग्योदय शनीनेच केला.

केतू दशेत ज्यू असल्याने जर्मन जाचाला सामोरेजावे लागले व १८९६ ला त्यांनी जर्मनी सोडले.

१९०९ साली शुक्र-शनी दशा असताना सापेक्षता वादाचा सिद्धांत त्यांनी मांडला. सूर्य दशेत व शनी अंतर्दशेत (१९१९ ते १९२१) त्यांच्या सिद्धांताला जागतिक कीर्ती मिळाली.

ओसामा बिन लादेन, गर्भ श्रीमंत असलेला एखादा माणूस, काही विशेष ध्येय घेऊन डोंगर दऱ्यात लपून जीवन जगताना पहिला तर अजबच म्हणावे लागेल ना!! जन्मपत्रिकेत फक्त शुक्र ग्रह काय तो सप्तमात स्वगृह स्थानी. त्यामुळे बाबाने स्त्रीसुख भरपूर घेतले.  सूर्य उच्च पण २९ अंशावर वृद्ध झालेला. बाकीचे सगळे ग्रह अगदी सामान्य. 

आणि आता नवमांश कुंडली बघा..तब्बल ६ ग्रह उच्च राशीला!! 
याची उंची ६ फुट ५ इंच, याला पाच बायका होत्या (सप्तमात चंद्र उच्चीचा) . तर २० ते २६ अपत्ये होती (पंचमात उच्चीचा शुक्र). 





बुध-बुध दशेत याने अल-कायदाची स्थापना केली. बुध-मंगळ दशेत लादेन भूमिगत झाला. मंगळ हा उच्च राशीला आहे त्यात तिसऱ्या म्हणजे पराक्रम स्थानात आहे. लढाऊ वृत्ती म्हणजे काय याचा प्रत्यय इथे येतो. अमेरिकेसारख्या महासत्तेशी लढा देत याने १७ वर्षे काढली. केतू दशेत आरोप वाढत गेले आणि केतूत बुध दशा असताना ओसामा मारला गेला.

योगी आदित्यनाथ हे नाव माहित होते ते कट्टरवादी विचारांमुळे. लोकसभा खासदार असणे हेही विशेष वाटले नव्हते. पण देशातील सर्वात मोठी व विविध धर्माची लोकसंख्या असलेल्या राज्याचे मुख्यमंत्री झाल्यावर योगी हे काहीतरी  खास व्यक्तिमत्व आहे हे लक्षात आले.

यांच्या जन्मपत्रिकेत अष्टमात (पिडास्थानात) स्वगृह गुरुशिवाय काहीही खास नाही. पण नवमांश पत्रिकेत गुरु उच्च राशीला परावर्तीत होतो. मंगळ स्वगृह राशीला जातो. आणि चित्र पालटून जाते. यात उच्च राशीला असलेला गुरु हा विलक्षण फळे देणारा आहे हे लक्षात घेतले पाहिजे. 

२४/३/९८ ते ३/५/९९ मध्ये मंगळ अंतर्दशेत ते पहिल्यांदा लोकसभेत निवडून आले.

बुध महादशेत गुरु अंतर्दशा (गुरु नवमांशात उच्च असल्याने) ४/८/१६ ते १०/१/१९ हा काळ  योगींसाठी खास ठरला आहे हे आपण जाणतोच.

हे झाले सेलेब्रिटी लोकांचे. आता आपण काही सामान्य जातकांच्या पत्रिका पुढच्या लेखात बघूया.